Universal Grammar Theory – సార్వత్రిక వ్యాకరణ సిద్దాంతము

Universal Grammar Theory – సార్వత్రిక వ్యాకరణ సిద్దాంతము

నోమ్ చొమస్కీ అమెరికాకు చెందిన యూదుల కుటుంబంలో 1928 లో జన్మించాడు. పెన్సిల్వేనియా విశ్వవిద్యాలయంలో ఆధునిక భాషా బోధన పై పరిశోధనలు చేశాడు. 1960 దశకంలో Developmental Psycho-Linguistics  అనే అంశంపై అనేక పరిశోధనలు నిర్వర్తించారు. 1964 సంవత్సరంలో Aspects of theory of syntax అనే గ్రంధాన్ని రచించారు.

సాంప్రదాయ భాషా బోధనా పద్ధతులను ఖండించి, పిల్లలలో భాషా వికాసం ఏవిధంగా కలుగుతుందో తెలుసుకునే ప్రయత్నంలో, భాషా వికాస సిద్ధాంతాన్ని ప్రతిపాదించారు.  చొమస్కీ పేర్కొన్న సార్వత్రిక వ్యాకరణ సిద్ధాంతము చాలా ప్రాచుర్యం పొందింది.

శిశువు పుట్టిన తర్వాత భాషను అనుకరణ ద్వారా నేర్చుకుంటానని బండురా వంటి వారు, నిబంధన ద్వారా నేర్చుకుంటానని స్కిన్నర్ లాంటివారు, చెప్పిన సాంప్రదాయ భాషా సిద్ధాంతాలు అన్నిటినీ వ్యతిరేకిస్తూ, శిశువు పుట్టుకతోనే అంతర్గతంగా భాషా సామర్థ్యాన్ని అనువంశికంగా కలిగి ఉంటాడు అని, మిగిలిన సామర్థ్యాల వలె తగిన వయస్సు వచ్చేసరికి సహజ వివర్తనం ద్వారా భాషా వికాసము జరిగిపోతుందని చొమస్కీ కొత్త నూతన భాష సిద్ధాంతమును ప్రతిపాదించారు. 

ఈయనను ఆధునిక భాషా శాస్త్ర పితామహుడిగా (Father of Modern linguistics) పిలుస్తారు. భాష అభ్యసించే సామర్థ్యము శిశువుకు స్వాభావికంగానే వస్తుంది.

చొమస్కీ ప్రకారము శిశువుకు జన్మతః భాష ఆర్జిత సామర్థ్యము, (Language Acquisition Device ) కలిగి ఉంటాడు. మానవ మెదడులో అనేక సామర్థ్యాలు ఉన్నాయి. వాటిలో భాష ఆర్జిత సామర్థ్యం ఒకటీ.

శిశువు ఏ భాషా పరిసరంలో లో పెరుగుతాడో, ఆ భాషను ఆర్జించే విధంగా అతని పెరుగుదల వికాసం రూపుదిద్దుకుంటుంది.

భాష అనేది ఒక ఆర్జించే ప్రక్రియ అంతేకానీ భాష అనేది అభ్యసన ప్రక్రియ కాదు.

చొమస్కీ ప్రకారము గణితము, డ్రైవింగ్ మొదలైనవి అభ్యసించాలి అంటే శిక్షణ బోధన అవసరము కానీ భాష శిశువుకు స్వాభావికంగా అభ్యసించి గలుగుతాడు.

శిశువు కూర్చోవడం, నిలబడడం, నడవటం, జన్మత సిద్ధిస్తుంది. అదేవిధంగా భాషకు సంబంధించి వినడం మాట్లాడడం అనే  సామర్థ్యాలు కూడా స్వాభావికంగానే వస్తాయి.

వినడం మాట్లాడడం అనువంశికత ద్వారా వస్తే చదవడము, వ్రాయడము అభ్యాసము ద్వారా వస్తాయి.

చొమస్కీ తన సార్వత్రిక వ్యాకరణ సిద్ధాంతంలో ప్రతిపాదించిన మరొక అంశం, మాతృ భాషకు సంబంధించి శిశువు పుట్టుకతోనే సార్వత్రిక వ్యాకరణ అంశాలు ఆర్జించే సామర్థ్యము పొందగలుగుతాడు. ఉదాహరణకు మొదటి నాలుగు నెలలలో శిశువు తనకు ఇష్టం వచ్చిన రీతిలో శబ్దాలు చేస్తాడు.

4-12 నెలల మధ్యలో శిశువు ముద్దు పలుకులు  పలుకుతాడు. ఆ పలుకులను మొదట హల్లులు ఆ తర్వాత అచ్చులు ఉపయోగిస్తాడు.

ఒక సంవత్సరం నుండి ఒకటిన్నర సంవత్సరం మధ్యలో శిశువు తల్లి తండ్రులను అనుకరించడం ద్వారా పదాలు అనుకరిస్తాడు. శిశువు పదాలలో మొదట నామవాచకాలు ఆ తర్వాత భాషా విభాగాలు ఉపయోగిస్తాడు. ఒకటిన్నర సంవత్సరం తర్వాత శిశువు శబ్దాలను గ్రహించి వినడం, మాట్లాడడం, జరుగుతుంది. పాఠశాల వాతావరణంలో చదవడము వ్రాయడము అభ్యసించ గల్గుతాడు.

ప్రతి శిశువు యొక్క భాష అర్జన కు కారణం పుట్టుకతోనే తన మెదడు లో LAD ను అనువంశికంగా కలిగి ఉండటమే అని చొమస్కీ తెలిపారు.

LAD అనగా Language Acquisition Device అనగా భాష ఆర్జిత పరికరము లేదా, భాషా గ్రహణ పరికరము. ఇది మానవ మెదడు లో మాత్రమే ఉంటుంది. ఇతర ఏ జీవి మెదడులోనూ ఉండదని అందుకే ఇతర ఏ జీవులు కూడా భాషను నేర్చుకోలేక పోతున్నాయని భావించాడు. 

LAD  యొక్క సామర్థ్యమునుబట్టి ఒక వ్యక్తి వివిధ రకాలైన భాషలను నేర్చుకోగలుగుతాడని చొమస్కీ భావించాడు

చొమస్కీ నాలుగు రకాల వ్యాకరణముు లనుప్రవేశపెట్టాడు.

Universal grammar/ సార్వత్రిక వ్యాకరణం

Transformational grammar/ రూపాంతర వ్యాకరణం

Formal grammar/నియత వ్యాకరణం

Generative grammar./ఉత్పాదక వ్యాకరణం 

 Also read : మనో సాంఘిక వికాశ సిద్దాంతము

రక్షక తంత్రాలు

ప్రజ్ఞా సిద్దాంతాలు

వైయుక్తిక భేదాలు